GHADC-ni gital Chairman-na Sukrobar salo eleksin ong•atanggen

0

Tura, March 3, 2022: A•dokni Governor, Satyapal Malik, bangbang ong•enggipa Chairman-ni post-na eleksin ong•atchina ge•etahani gimin, March 4 tarik sukrobar salo Garo Hills Autonomous District Concil (GHADC)-ni gital Chairman-na eleksinko ong•atanggen. GHADC-ni gitcham Chairman Rakesh Newar Sangma, CEM-na eleksin susae Chairman-ko watani ja•mano CEM seokako man•ahachim, indiba gipin jatko GHADC-ni CEM songna man•jawa ine Garo Hills gimiko jingjengate jegalgrimahani a•sel Rakesh Newar Sangma an•tangan CEM-ko wate on•aha. Uni gisepon GHADC-ni gitcham Deputy Chairman Albinush R.Marak-ko sak 16 MDC-rang CEM-na seokskaha.

Indake bangbang ong•enggipa Chairman-ni kamna Sukrobar salo Gasuapara-ni NPP MDC, Sengchim Sangma baksa warachakenggipa All India Trinamool Congress (AITC)-ni MDC, Rinaldo K.Sangma susaangskagen. Re•anggipa bilsini April jaoba Rinaldo K.Sangma Deputy Chairman-na da•o CEM ong•enggipa Albinush R.Marak baksa eleksino susahachim, indiba chena gita man•jaha.

Indake ong•genchimoba Rinaldo K.Sangma GHADC-ni Chairman-na eleksin o susaangtaina gita an•tangni nomination lekkarangko Bristibar salo on•angaha. GHADC-ko chaprime sason ka•enggipa NPP dolo sak 16 MDC-rang baksa nominate ka•ako man•gipa saksa MDC-ko man•chape sak 17 gapaha. Indake ong•engon, warachakenggipa AITC dolo sak 13 MDC-rangsan dongaiachim.

Leave A Reply

Your email address will not be published.