UDP-ni dilgipa Ardent Basaiawmoit-ni agangipa kattako jegalata 

0

Shillong, Mar 7, 2023: National People’s Party (NPP)-chi dilenggipa sorkario bakrimeanina Voice of the People’s Party (VPP)-ni Sombar salo matnanganiko, United Democratic Party (UDP)-ni President Metbah Lyngdoh jegalate, iano ‘tamasa’ dake rona re•baja, indiba kim•kimgipa sorkariko riknasa bakrimeaha ine parakatskaha.

Uandake UDP-ni kosako VPP-ni President Ardent Miller Basaiawmoit-ni matnanganiko raken jegalataha. NPP-chi dilenggipa sorkario bakrimeani gimin talatengon, UDP manderangko togina ‘tamasa’ dake roenga ong•ja, mikkangchi manderangko togijawa ine Lyngdoh parakataha.

A•jatangni political dolrang baksa chaprime sorkari rikna jotton ka•achim, indiba chu•onga gita MLA-rang dongjani a•sel sorkariko rikna man•jaha. Uni gimin NPP-chi dilenggipa sorkario bakrimeana agre gipin cholrang dongja, ineba UDP-ni President parakataha.

Leave A Reply

Your email address will not be published.