Tura Takhurbari-ni municipal nalako ta•rake nirokatpachina gittimni manderang mol•molata

0

Tura, April 29, 2022: Tura Na•kam bajar Takhurbari jolo municipal nalao jabolrang chakpilgija dandake dongani a•sel jolni manderang jabol soa seenggipa bibako chake dongna nangenga ine u•iataha.

Municipal nalao jabol dandake sera bera ong•ani gimin Takhurbari Committee-ni Sameer Kumar Das sagini nokdangni manderang neng•nikaniko man•enga.Municipal Nala gita bang•a jabolrangko man•pakbae dandakenba gittimo sera bera jokbrake jolni manderangna neng•nikaniko on•enga. Mongsongbate wachini somio mikka wae chi baksa jabolrang jokbrake neng•nikaniko on•engani gimin Tura Municipal Board (TMB)-na badi ka•ahachim, indiba mamingkon knachakja ine Sameer sagini demechik aganaha.

Tra Arnisha Das-ni kobor ra•timgiparangna aganani gitade, nalao chimonggipa jabolrang soe namgijagipa bibarangko manderang rang•sitna nangenga aro mitchi mitchi sera bera chirang nala gita jokbrakbae noko jamo dongna man•pilgija soa sima seengako chake dongna nangenga ine aganaha.

“Ia gittimo donge chinga rongtalgipa balwako rang•sitna man•ja, jabol soani seenggipa bibakosa rang•sitna nangenga. Chinga Takhulbario donga bilsi 50 bataha. Chinga changni chang ia nala gita jabol gapsuake jokbrak jokrurue gittim gimiko sera bera ong•atani gimin TMB-na badi ka•aha, indiba re•bae nirokea dongja aro tarieba on•ja. Takhulbari Mandir-ni skotongna aganoba nachil songja, batesa chingni napram ramako champengate donskaa. Ia kamrang gimikan angni pagipa Hindu ong•jani gimin chingko onchepa” ine Arnisha Das suk ong•gija aganaha.

Uni gimin, anga mediani manderangko okamate talataniko on•aha, jedakode manderang chingni neng•niko ma•sitokchina. Unbaksana district administration ia obostako ta•rake nirokatpachina aro re•bae biapko niepachina Arnisha Das mol•molataha.

Leave A Reply

Your email address will not be published.