Tura, Aug 12, 2022:SBI, RBO Tura Bristibar attamo India a•songni jakgittel ong•ani bilsi 75 gapaniko ba Azadi Ka Amrit Mahotsav-ko Tura Super Market-o manidilangaha.
Ia Pre Independence Day Celebration-ona bang•a chatro chatrirang aro Tura-o songdonggipa manderang re•bae bakko ra•angtokaha. Ia manianiko SBI, RBO Tura-ni gita ong•atenba SBI-RBO-ni AGM Dharmananda Banai-ni gisiko nangbee dakdilanichi, India a•songni jakgittel ong•a bilsi 75 gapaniko bang•a manderang kusi ong•bee maniangtokaha.
Indake iako maniaona West Garo Hills a•jani Additional Deputy Commissioner, Dolrich Momin dal•batgipa sokgipa ong•e bakko ra•angaha aro India a•songni jakgittel ong•a bilsi 75 gapaniko nike sakantian katchaani ong•a ine aganangaha.