Tura Govt Kolege-na NAAC Grade-ko on•a

0

Tura, July 1, 2022: National Assessment and Accreditation Council (NAAC) Bangalore, uamangni skanggipa circle-on Tura Govt Kolege-na B+ grade-ko on•angaha.

Tura Govt Kolege-ko 1958 bilsio kuliaha. Indake Tura Govt Kolege-ni Principal Terence D Marak-ni parakatani gitade, ian Tura Govt Kolege-na namen rasong chabeani ong•aha, bilsi 64-ni gisepo ian skanggipa changna chinga NAAC-ni on•gipa grade-ko man•aha ine u•iataha.

NAAC dolni June 21 aro 22 tariko Tura Govt Kolege-ona re•angenba kolege-ni building, compound aro poraienggipa chatro chatrirangna maikai skia, aro gipin kamrangko sing•sandie Certificate of Accreditation-o Grade B-ko on•angaha.

“Chinga Tura Govt Kolege, Rasthriya Uchchatar Shiksha Abhiyan (RUSA)-ko mittelpilna sika, RUSA-ni dakchakanichisa chinga NAAC-ni on•gipa grade-ko man•aha. Unbaksana RUSA Meghalaya-ni Resource Consultant Dr Samuel R Lyndem-koba uni SSR-ko tarina dakchakanina aro dingtang dingtang kamrango dakchakanganina mittelpilna sika” ine Principal aganaha.

Leave A Reply

Your email address will not be published.