Trinamool Congress-Womens’ Wing-ko songa

0

Tura, September 29, 2022: Mahila Trinamool Congress Committee-ni President Selma D. Shira, me•chikrangni janggi tanganiko tang•doatna aro nama re•mikkangani ramako mesokna campaign-rangko ong•atanggen ine koborna parakataha.

Budbar salni bako Mahila Trinamool Congress-ni President Ma Selma D.Shira jinmana u•iatengon, “Meghalaya Pradesh Trinamool Congress Committee (MPTCC) Mahila-ni President ong•e, kamko ka•engon, anga skanggipa a•dokni pilak me•chikrangko mikkangchi nama gadango janggi tangna dakchanirangko on•na kamko ka•anggen” ine aganaha.

Ua an•tangni miksongatangko chu•sokatna, a•jani Mahila Trinamool Congress Committee aro Block Level Mahila Committee-ni membor-rang baksa tom•e jinma apsan ku•cholsan ku•monge chanchianiko dakgen ine Ma Shira agandapataha.

“Block Level-oni grassroot level-ona kam ka•e a•dokni me•chikrangna Politiks-ni bidingo mikrakataniko on•anggen” ineba aganaha.

September 26 tariko Meghalaya Pradesh Trinamool Congress (MPTC) Womens’ Wing-ko Meghalaya Pradesh Mahila Trinamool Congress Committee (MPMTCC) ine biming donaha. Ia dolo sak 18 me•chik membor-rang gnang ineba parakataha.

Meghalaya Pradesh Trinamool Congress, me•chik dolrangnj miksonganirangko a•dok gimikchi gipatna kamrangko ka•enga.

MPMTCC-ni sak 18 membor-rangni office bearer aro Executive Committee membor-na seokako man•giparanga, Selma D Shira President, Mehaleen S Marak, Kathleen Marbaniang aro June E Marak Vice-President, Merriline Ch Marak aro Noorun Mehraj Warjri Committee-ni General Secretary ong•e kamko ka•anggen ine parakataha.

Leave A Reply

Your email address will not be published.