Tourist biaprangko rongtale rakkigiparangna sorkari boksis on•na nanga: MSTPG

0

Shillong, September 9, 2022: Batanggimin salrango a•dok sorkari re•baenggipa Autumn Festival-na aro tourism-ko tang•dodapatna kror 15 tangkarangko chammaha ine parakataha.

Iani bidingo Mait Shaphrang Tourism Promotion Group (MSTPG), tourist spot-rangko rongtalbate rakkigiparangna sorkari tangka paisarangko dingtangmancha boksis on•na nanga ine aganaha.

MSTPG-ni Chairman Michael N Syiem, “A•dokni Tourism biaprangko tang•dodapatna gita sorkari rakbee kamrangko ka•enga. Uni gisepon tourism-ba tourist biaprangko rongtalbate chirongbate rakkie donna man•gipa songrangna bilsianti tangka paisarangko dingtangmancha chamme on•na nanga. Indake dakanichi a•dokni gam jinrangko ripinganisan ong•aijawa, indiba an•chingni song nokba chi•ronge rongtalkame donggen” ine aganangaha.

Meghalaya Autumn Calendar-o u•iatsoani gitade, Ri-Bhoi a•jani ning•o donggipa Umtham songo Megha Kayak Fest-ko October 13-oni 16 tarikona ong•atanggen, Autumn Festival-ko October 29 aro 30 tariko, North East Olympic Games-ko October 30-oni November 6 tarikona ong•atanggen.
Uasan ong•aigija Umiam Boating Regetta-ko November 2 tarikoni 6 tarikona ong•atangskagen, Shillong Cherry Blossom Festival-ko November 17 tarikoni 26 tarikona ong•atanggen.

Leave A Reply

Your email address will not be published.