Shillong, September 9, 2022: East Jaintia Hills a•jani District Magistrate, Drug Store/Pharmacy-rangko Netrazepam samko prescription gri manderangna skatang palramjachina mol•molangaha.
September 7 tariko, CrPC Section 144-o pangchake EJH a•jani Magistrate, bang•a manderang Netrazepam samko saa ding•ako namatna ong•ja, indiba gisikni sikanina aro be•enni ku•sinasa drugs dake jakkalenga. Uni gimin ia samko maming prescription gri bree jakkalna man•jawaha.
Uasan ong•aigija je manderangan Netrazepam samko sorkarini maming rai gri badingengachim, uamangko niamo pangchake ja•ku de•anggen aro kraa gita sastikoba on•gen ine parakataha.