Tura, Sept 10, 2022: AHAM Dalu Regional Unit, September 9 tariko West Garo Hills a•jani Deputy Commissioner-na lekka sedoangaha.
AHAM Dalu Regional Unit-ni President Chamcham Sangma-ni koborna u•iatani gitade, Dalu jolo skul bi•sarang garirang bang•ani gimin namen neng•nikani aro kenchakani ong•enga.
Uni gimin Dalu Choipani-chi re•anggipa aro Dalu Sacred Heart Higher Secondary Skulchi re•anggipa rama bijangchio pring 8:30 bajioni 10 bajiona gari re•ruraaniko dontongatchina AHAM DC-ko mol•molangaha. Apsandake bi•sarang skul jokani somoi attam 2:30 bajioni 4 bajiona dal•dalgipa garirangni re•ruranirangko dontongatchina aro traffic pulisrangko joljol donchina gitaba, AHAM-ni seatgipa chittio janapataha.