Nongpoh, April 21, 2023: Mijal Bristibar salni 1:20 bajimango, Ri Bhoi a·jani Mawpun Kshaid-o donggipa Umroi Bypass-o to rongdik gari ba oil tanker bolsa, bikpile a·sel ong·anichi chongipa gario chagake wa·al ching•gopaha ine kobor man•aha.
Koborna u·iatani gitade, to salgipa gari, ta·rakprete salenba, Mawpun Kshaid songni ning·o donggipa Umroi Bypass-o pangpilleke, chongipa gari bolgipino chagakenba, gari bol 2-ko wa·al ching·gopaha.
A·sel ong·ani bakan, Umiam Pulis Station-ni sipairang, wa·alko kimitna, wa·al kimitgipa sipairang biapona re•angaha, indiba ua biapo chu·onga gita wa·al kimitgipa garirang dongjani a·sel wa·alko kimitna man·ningjaha. Koborna u•iatani gitade, gari bolgniko wa·al ching•gopoba, saksaba saknaako man·jaha ine u•iataha.