TMC-ni sakgni dilgiparang BJP party-o napani miksongako talata 

0

Tura, Jan 16, 2023: Meghalaya TMC-ni sakgni dilgiparang, North Tura-ni gitcham MLA Pa Noverfield R.Marak aro gitcham MLA candidate Pa Adamkid (Pampam) M.Sangma re•anggipa January 11 tariko BJP dolo napangaha.

Uamang sakgni BJP dolo napangani miksongako kobor ra•timgiparangna aganengon, “Chingni BJP party-o napani miksongade, da•o gimik dakgipa party-ko niatgenchimode aro jeon chinga skango TMC party-o dongachim, TMC-ni atchenga 2021 bilsini November jaoni chinga TMC-ko ra•dojok aro kam ka•jok, ia gimik namangengon, mija re•anggipa December jao TMC-ni Chairperson Mamata Banerjee Shillong songjinmaona re•bae, Women Empowerment (WE) Card-ko a•bachengate on•angaha. Ia WE card-ni giminde anga bebe ra•a na•simang sakantian ma•sienggen, iara me•chikma sakprakna jao 1000 bilsio 12000-ko on•na ine ku•rachakgipa ong•a. Da•o iako man•na register ka•gipa me•chikmarang bang•aha, sak lak 2 batjok, iako niatgenchimode indita tangkarangko banoniko on•gen, iarangko dilgiparango sing•on, ong•aigen man•aigen ine agana, indiba anga ma•sie an•tangde jegala. Uni gisepon gnigipa scheme-ko a•bachengattaijok, MYE card iano bilsi 21-oni bilsi 40-ona man•gen, ge•sani ja•mano ge•sa indin scheme-ni tangkako on•na am•engani gimin, angni dilgiparango sing•on, uamangni aganchakaniko anga chu•ongnikja iarangko bebegita on•na nanggenchimode, ia tangkarangko banoniko on•gen, maina lak 2 registration ka•engjok maina nokdango hajal 3 dake on•na nanggnok, iarangko hisap ka•e niatgenchimode, jao kror 6 ong•enga, bilsio kror hajal 7 batpilenga. Uni gimin, iarangko ong•e nikja, maina chinga grass-root levelo kam ka•giparang answerable ong•a, badiaba nokdangni manderang inditako man•gnok ine jumang niksogiparang donga, TMC-na pu•onna nanggen ine man•jaode sawa aganchakgen. Anga register ka•dilgipa ong•gen, angni worker-rang answerable ong•gen. Uni gimin ia scheme chu•sokgipa ong•na man•jawa, bani tangkako on•gen. Iarangko niatgenchimode, ong•e nikja. Anga an•tangde TMC-ni ticket declare ka•na skangba agana, on•tisa jegrika gitaba dakpiljok. Batesa nambatjok angna ticket ong•jaba, maina angni political carrier-o manderangko dilna, ma•sigijaniko ma•siate on•na gita kang•kare ka•paenga. Uni gisepon, iandakgipa kamrang chu•sokna man•jawa, iako ma•sie anga dakna sikjaha. Uni gimin an•tangde ticket declare ka•ani ja•man TMC-ko mittelaha. Anga jemangkon re•anggimin somoio ia scheme-ko register ka•dilahachim, sakantio kemako bi•a, maina anga ka•sinne u•ianirang sokbaani ja•mano anga iarang ong•chongmotjawa, on•na man•chongmotjawa ine anga jegala.Indake an•tangni ja•rikgiparangko bachi galgen, chinga maiko dakgen iarangko sing•on, BJP party-ko dokdike niboda ine chingni main worker-rang meetingo aganaha. Uni gimin chinga an•tangtangni gitade, sing•e nia maina BJP party-ara ge•sa dal•gipa party-sa, da•o party-o napbo inani gimin re•ange, ticket-kode ramasamo choke palgipa ong•ja, uni gimin system donga aro number one party-sa, system gita re•na, chingna salsa salgni somoi on•bo ine aganenba re•angengon, ramao Nokgipa chingna namgipa gisikko on•jok, chinga namgipa dilgiparangko grongaha, dingtang dingtang centre-ni scheme-rangko ma•siate on•jok. Da•o gita matchotgijagipa PA Sangma Stadium-ko oprake on•jok, Tura beautification iaba centre scheme-sa iarangko sera bera dake jakjalenga, JJM-ko agangenma, iarang gimikko niatgenchimode, dingtangmancha maming dak dagi gri manderangna ka•sae dangdike on•enggipade BJP party-an ong•a ine nike anga an•tangni supporter-rang baksa BJP dolo napaha” ine Adamkid Sangma aganaha.

Leave A Reply

Your email address will not be published.