Shillong, December 5, 2022: Trinamool Congress (TMC)-ni Spokesperson Saket Gokhale-ni u•iatani gitade, Meghalaya Ecotourism Infrastructure Development Project-na chammatgipa tangka gong kror 632 gimaenga ine koborna parakataha.
Songbad setimgiparangna see u•iatani gitade, Database-rangko man•soe sandianiko dakani ja•mano Saket Gokhale, “Meghalayan Age ge•sa company ong•a, jean a•doko tourism-ko namdapatna aro tang•doatna kamrangko ka•a. Indake New Development Bank (NDB), a•dok sorkarini palo, Meghalaya Ecotourism Infrastructure Development Project-na tangka USD 79.05 million (632 kror)-ko chamataha. Ia kamko ka•na cholko man•pana gita bang•a manderang tender-rangko aro RFP-rangko galtokaha, indiba Meghalayan Age Company da•ona kingkingba sawa tender man•aha uko parakuja. Meghalayan Age ramarangko Ecotourism Development-ni bimingo tarina krorni kror tangkarangko ra•chakaha, sorok ramarangko tarina PWD-ni kamsa ong•achim” ine parakataha.
Meghalayan Age-ni Chairman aro Managing Director (MD) IAS Vijay Kumar kror 600-na batgipa tangkarangni report-ko da•onaba mesokuja.
“Meghalaya Age Ltd-ni Chairman aro MD, IAS Vijay Kumar aro a•dokni Skotong Minister Conrad Sangma saksa sakgipinko namen ma•sigrikgipa ong•a. Uni a•sel kror 600-na batgipa tangkarangni report-ko Vijay Kumar parakgija donna pa•enga. Uasan ong•aigija Vijay Kumar Shillong Smart City-ni saksa membor ong•a. Conrad Sangma-ni dilenggipa MDA sorkari bang•a Department-ni tangkarang gimaani bidingo maming aganchakaniko on•ja” ineba ua agan-janapataha.