Tura, Dec 4, 2022: December 3 tarik Sonibar salo Garo Hills Shillong Teer Association (GHSTA)-ko Meghalaya Societies Registration Act XII of 1983-o pangchake Register ka•enba Headquarter, Tura Babupara Office-o gital Office Bearer-rangko seokangaha.
Gital seoka man•gipa GHSTA-ni dilgiparanga Amit R.Marak-President, Tangkam R.Sangma-Vice President, Sajan Ch.Marak-General Secretary, Aran A.Sangma Joint Secretary, Asip T.Sangma Organising Secretary, Techon S.Sangma Accountant, Tangrik Ch.Momin Treasurer.
Ia gital Office Bearer-rangko seokani salo Tura-ni Teer Owner-rang aro Salesman-rang sak 100-na baten tom•anio bak ra•angan baksa ong•gija tangka gilanirangko aro chu•gimik lekkarang donggija Counter-rangko a•paloni re•bae, skatang chalaiani bidingo aro maming neng•nikani gri counter-rangko chalaiangna man•gen, iarangni bidingo jinma tom•e chanchirimaniko dakangaha.
Bang•a gitcham Shillong Teer Owner-rang skangoni Assocition-o donge kam ka•achim, uamanngan da•o Adviser aro Executive-o donge mikkangchi kam ka•angna tik ka•angaha.
GHSTA-ko mikkangchi dingtang dingtang Garo Hills-ni a•jarangoba unit-rangko kuliangna gita tik ka•angjolaha ine GHSTA-ni President koborna u•iataha.