Dr Mukul Sangma Tura-ni Durga Puja Pandalrangona re•ange manderangko grongea 

0

Tura, Oct 5, 2022: Meghalya a•dokni warachakenggipa dol aro TMC-ni dilgipa Dr Mukul M.Sangma Butbar salo Tura songjinmao manienggipa Durga Puja Pandal-rangona re•ange Durga Puja Committe-ni dilgiparangko aro bang•a Durga Puja manienggipa manderangko grongeaha.

Unbaksana AITC State level-ni General Secretary aro Dalu-ni gitcham MLA Mukul Das, West Garo Hills-ni AITC District Convenor Richard Mrong Marak, West Garo Hills, District Coordinator Sapford N.Sangma, North Tura-ni gitcham MLA Noverfield R.Marak, Tura-ni gitcham MDC Rupert M.Sangma, Adamkid M.Sangma aro gipin AITC dilgiparang dongpae dongpae Tura-o Durga Puja maniako niangaha.

Indake Meghalaya a•dokni gitcham Skotong Minister Dr Mukul Sangma Hindu-rangni dal•batgipa Durga Puja maniaona re•ange bang•a manderangko grongenba, an•tangni kusi ong•aniko parakangan baksa nama sikaniko on•angaha.

Indake Tura Babupara Durga Puja Committee-ni President-ba uamangni maniaona re•ange uamangko grongenba nama sikaniko on•angani gimin Dr Mukul Sangma aro gipin AITC dilgiparangko kusi ong•e rimchaksoan baksa mittelpilskani kattarangko aganangaha.

Leave A Reply

Your email address will not be published.