SSLC aro HSSLC porikkao Toper ong•giparangna SBI-RBO mande ra•aniko daka

0

Tura, Aug 12, 2022:Ia 2022 bilsio SSLC aro HSSLC porikkarango Toper-o pass ka•gipa Tura-ni chatro chatrirangna, State Bank of India (SBI) Regional Business Office (RBO), Tura-ni gita dingtangmacha Bristibar salo mande ra•aniko ba Felicitation-ko dake Certificate-rang baksa boksisrangko Tura DRDA conference hall-o DC-ni jakchi suale on•angaha.

Ia program-ko SBI, RBO Tura-ni Assistant General Manager (AGM) Dharmananda Banai-ni gisiko nangbee dakdilanichi chatro chatrirangna dakchakaniko on•na miksonganiko agan talate on•angaha.

Indake ia program-o West Garo Hills a•jani Deputy Commissioner, Swapnil Tembe, chatro chatrirangni nambata gadango pass ka•ani kusi ong•bee chatro chatrirangna nama agan ku•pattianirangko on•angan baksa mikkangchi gisiko nangbate chubata gadangrango poraienba chu•sokgipa ong•angchina nama sikaniko on•nangaha.

Unbaksana Toper-o pass ka•gipa chatro chatrirang mikkangchi chubata gadango poraiangkuna gita chol man•jagenchim ong•oba, Education Loan-rangko ra•e poraina man•gen aro loanrangko on•na gita SBI dakchakgen ine SBI Officer chatro chatrirangna ka•dongani kattarangko aganangskaha.

Indake namgipa cholko on•anina chatro chatrirang kusi ong•bee SBI, RBO-ni AGM, DC aro gipin Officer-rangko mittele aganangaha aro uamang mai gadango poraiangkuna sikengachim, an•tangtangni miksonganiko parakangtokaha.

Leave A Reply

Your email address will not be published.