Tura, August 10, 2022: A•dokni BJP Vice President aro Tura-ni MDC Bernard Marak-ko Judicial Custody-o donna gita Court raiko on•aha, indiba Court-ni rai on•ani adita ja•manTura pulisrang uko dingtang case-o pangchake rim•taiaha ine kobor man•aha.
Pulisrangni u•iatani gitade, Bernard Marak-ni baganoniko bomarangko man•aha ine u•iataha.
West Garo Hills a•jani Chief Judicial Magistrate, uni kosako Tura Women PS-o IPC Section 373 (3) aro Immoral Traffic (Prevention) Act 1976-o pangchake segatgimin case-ni bidingo chu•gimik sakkiko man•ja dipet Bernard Marak-ko sal 14-na Judicial Custody-o donangna raiko on•taiaha.
Ua July 28 tariko rim•a man•aoni dipet Pulis lock up-o dongengachim. Indake Budbar salo Court uko sal 14-na Judicial Custody-o donna rai on•taianiara dikdiksa somoi nasan ong•aiaha.
Pulisrang uni kosako segatgimin IPC Section 109, 110, 120, 120B, 121, 121A aro Explosive Sustenance Act, 1908-ni Section 4 aro 5-o pangchake segatgipa case-o rim•taiaha.
Bernard Marak-ni baganko raid ka•ani sal dok ja•mano pulisrang uni baganoniko boma ba explosives-rangko man•aha.
Pulisni u•iatani gitade, July 28 tariko Bernard Marak-ni baganko s?am•sandianiko dakon pulisrang do•ga chonne tarie donako nikaha. Indake ua do•gako dokdrake nion ge 35 gelatin stick, ge 100 detonators, ge 4 cross bows aro ge 15 arrow-rangko man•aha. Uni baganoniko man•gipa bosturango pangchake pulisrang uko Explosive Sustenance Act, 1908-o pangchake badi ka•aha.