SSLC aro HSSLC, Arts Stream porikkani Resul-trangko June 13 tariko parakatgen
Tura, June 1, 2022:Ia bilsini SSLC aro HSSLC Arts Stream, MBOSE-ni Porikkarangko je chatro chatrirangan seahachim, re•baenggipa June ja ba ia jani 13 tariko Secondary School Leving Certificate (SSLC) aro Higher Secondary School Living Certificate (HSSLC) Arts Stream-ni porikka Result-rangko parakatgnok ine Meghalaya Board of School Education (MBOSE)-ni Examination Controller, TR Laloo parakataha.
SSLC aro HSSLC porikka result-rangko parakatgenchimoba, porikkani booklet-ko chappa ka•jawa, apsandake 2014 bilsio je niamko donahachim, iano pangchake result-ni booklet-rangko MBOSE office aro book store-rango man•jawa. Indiba chu•gimik porikka result-ni booklet-rangko MBOSE-ni Official website www.mbose.in oniko download ka•na gita man•gen ine u•iataha.
Parakatgimin porikka result-rangko Tura aro Shillong Office MBOSE notice board-o mesokjawa ineba parakataha.
Resultrangko ka•mao mesokatenggipa website-rangoniko sandina gita man•gen:
www.megresults.nic.in
www.meghalaya.shiksha
www.results.shiksha