SSA skulo skigiparang ja gittamni dormaharangko man•kuja

0

Tura, August 24, 2022: All Garo Hills SSA School Teachers’ Association (AGHSSASTA – CB), SSA skigiparang ja gittam ong•na siple dormaharangko man•kujaengani a•sel bang•a neng•nikanirangko man•enga ine koborna parakataha.

“Deputy CM Preston Tynsong-ni parakata gitade, Union Sorkari chu•gimik fund-rangko sokatgenchimode, SSA skulo skigiparangna chu•gimik dormaharangko on•gen aro uamangni dormaharangko baridapatna chanchigen. Indiba uamang chingni dormaharangko baridapatna maming dakeba ja•ku de•kuja. Chinga AGHSSASTA, uamangni tol•e ku•rachakaniko baditana chakchikdamgen. Union sorkariara da•ona kingkingba SSA skulni fund-rangko sokatkujama.? Ma a•dok sorkarisa SSA Skulni fund-rangko an•tangtangni namgnina jakkalengama.? MDA sorkari chingna dormaharangko on•na gisik nangja. Chinga sorokona ong•kate jingjengatanirangko dakja dipetde uamang chingna dormaharangko on•ja. Batanggimin bilsirango sorkariko rikgipa dolna batede, MDA sorkari chingna dormaharangko on•na gisik nangjabata. Gipin a•dokni SSA skulo skigiparang bariatgimin dormaharangko man•enga aro kamkoba regularise ka•aha, indiba chinga Meghalaya a•dokni SSA skulo skigiparang skango gitan apsan ong•e dongkamna nangenga. Batanggimin sorkari chingna ja 4-ni arrear-rangko on•jola, indiba ia chango sorkariko rikenggipa chingna changsa arrear-rangko on•a dongkuja. Teaching and Learning Material (TLM) fund-rangko chinga man•nan dongjaha, unbaksana batanggimin bilsirango Skul grants gong 12,500 man•achim, indiba ia chango skul grants mangmangkoba hajar 10-san man•aijok. Performance Grading Index (PGI)-ni gital report-ko niatgenchimode, Meghalaya a•dokni Performance, Infrastructure and Equity (PIE) 2020-21 Primary aro Secondary Skul Education-o bon•kamgipa rank-kosa man•aha. Eleksin-ni somoio MDA sorkari, Education-ko mikkango donne kamrangko ka•gen ine ku•mitchetronga indiba uni ku•mikchetgipa indinsa ong•gramaia. Chingni man•a nanggni dormaharangko chinga somoi gita man•jagenchimode, chinga sorokona ong•kate jingjengatanirangko dakanggen” ine AGHSSASTA-CB-ni Publicity Secretary Bunbunbirth R.Marak parakataha.

Leave A Reply

Your email address will not be published.