Shillong, September 1, 2022: Meghalaya A•dokni SSA skulo skigiparangna ma•mong sorkari tangka gong 272 kror-ko chammataha, jedakode skigiparangni dabienggipa uamangni man•na nanggni pilak arrear-rangko matchote on•na man•gnok ine Education Minister parakataha.
Budbar salo Education Minister, Lakhmen Rymbui-ni parakatani gitade, Ma•mong sorkarini on•atgipa tangkarangko, a•dok sorkari man•soaha.
“Chinga SSA skulo skigiparangna jagnini dormahakosan ong•aija, indiba ja gittam ja brini dormaharangko on•na man•gnok. SSA Centre Scheme-ko man•soani gimin chinga ma•mong sorkarini sokatgipa scheme-rangko sengesa dormaharangko on•na gita man•a. A•dok sorkari ja 4-ni dormaharangna, kror 122-ko on•ani ja•mano July 21 tariko, sak 12,541 SSA skulo skigiparang, MSSASA dolni dilanichi indefinite strike-ko ong•atangaha. Anga re•anggipa jao Corpus Fund-oniko Finance Department-ni tangkarangko sanction ka•atani gimin uamangko mittella aro chinga somoi gitan uamangni tangkako on•gen” ine Lakhmen Rymbui parakataha.