Special Team petrol pump-rangko check ka•na a•bachenga  

0

Tura, June 15, 2022:West Garo Hills a•jani Deputy Commissioner Swapnil Tembe West Garo Hills-o donggipa pilak Petrol Pump-rangko nirok sandianiko dakna gita Executive Magiatrate-ni Sepecial Team-o Legal Metrology-ni Inspector, Supply Department aro gipin department-ko donataha.

Ia Team-ko pangnan dingtang dingtang petrol pump-rangona rang•gitik re•ange nirok sandianirangko ba check ka•aniko dakchina ge•ataha. Indake dongimin Team-ni manderang, Budbar salo Tura Hawakhana petrol pump-ona check ka•aniko dakangaha.

Maina bang•a petrol pump-rangon, petrol baksa kerosin aro chirangko brinne torangko palengachim aro petrol pump-o to rutimgipa manderang to bregipa manderangna cha•bokengani gimin bang•a complaint-rangko man•soronga.

Uni gimin uandakgipa obostarangoniko naljokatna dongimin team-ni manderang regular check ka•aniko dakna a•bachengataha.

Leave A Reply

Your email address will not be published.