Smart Meter Scam-ni bidingo CBI inquiry ka•china Dr Mukul Sangma dabia

0

Shillong, August 19, 2022: TMC dol aro warachakenggipa dolni dilgipa Dr Mukul Sangma, a•songni Prime Minister Narendra Modi-na lekka sedoatenba, Meghalaya a•doko smart meter-rangko tekanio krorni kror tangkarangko jakkalsretangani bidingo CBI inquiry-ko dakchina sedoataha.

Dr. Sangma-ni janapatani gitade, Meghalaya a•dok sorkari tender nombor MePDCL/RE/T191/2019-20/Pkg-1-o bid ka•enba 1,80,000 smart meter-rangko on•china dabiangaha. Uamangni bid ka•anga gitan, Letter of Award-ko 2021 bilsini February 16 tariko order nombor MePDCL/(CE)P/T 191(Pt1)/EKH/2020-21/05 -ko bid ka•anggipa dolgni Satnam Global Infraprojects Ltd, JPM Industries aro Inhemeter Co Ltd-na on•aha.

“Contract-ni gitade, dol gnina kamrangko sualon gong 171,48,42,485 (jeko niatgenchimode meter prako gong 9,257 ong•a) aro gong 30.86,71,649-ko GST-na (jeko niatgenchimode, meter prako gong 1,715 ong•a). Indake ong•enggon, Meghalaya a•dok sorkari smart meter unit ge•sa mangmangna 11,242 nangaha. Satnam Global Infraprojects Ltd Gurgaon aro Haryana-o Secure Meters Ltd-ni tarigipa Liberty 150 Smart Meter-ko teka•aha. Apsandaken kam ka•enggipa JPM Industries aro Inhemeter Co Ltd-rang Inhemeter DDZ1513-ko tekangskaaha” ine Dr Mukul Sangma janapataha.

Ia obostani bidingo bajarchi re•ange sing•sandianiko dakon, Secure Meters-ni tarigipa Liberty 150 Smart Meter-ni online retail ba dam ge•prako 5500 ong•a, apsandaken Inhemeter DDZ1513-ni online retail ba dam ge•prako 1700 ong•a ineba ua parakataha.

“Meghalaya sorkarini smart meter-rangna tangka gamani aro uarangko bajaro palani dam gong 137.55 kror mang dingtanggrika ” ineba Dr. Mukul Sangma janapataha.

Inhemeter Co Ltd. Chinese Company-sa ong•a, uamang Local Company-ni kam ka•na nanggni ba dakna nanggnirangko ra•sekdrae ka•enga”. Indakgipa contract-rangko Chinese Company-na on•aniara India a•songni Company-rangko dal•e ra•gijani kam ong•a.

Smart Meter ning•o Sim Card gnang jean mobile internet network baksa nangrimgrika, jean Hacker-rangna altue hack ka•na man•ani chol ong•a. Indake ong•enggon, Meghalaya a•doko smart meter-rangko uamangni Company-sa tekani a•sel jajrengani ong•a” ineba paraktaha.

Narendra Modi an•tangan gitalgipa India-ko rikna corruption grigipa a•song ong•atna nanggen ine aganaha. Uni agangipa kattarango pangchake, ia obostani bidingo ta•raken Central Investigation Agency (CIA)-ni jakchi sing•sandianiko dakna nanga ine PM-na lekka sedoataha.

Dr Sangma kobor ra•timgiparangna aganengon, “Smart Meter-rangko tekanio aro Saubhagya Scheme-ko ra•gatanio, Meghalaya a•doko bang•a daksretanirang gnang ineba aganaha.

Unbaksana Enquiry Committee-ni MDA sorkarina on•gipa report-ko jinmana parakna nanga ineba dabiangaha.

Leave A Reply

Your email address will not be published.