Skotong Minister NEOG-o chegiparangna medalrangko sualanga

0

Shillong, November 17 2022: A•dokni Skotong Minister Conrad Sangma, North East Olympic Games (NEOG)-o chegiparangna medalrangko suale on•angaha. North East Olympic Games-ko, Meghalaya a•dok sorkari baksa North East Olympic Association (NEOA), Department of Sports and Youth Affairs aro Meghalaya Sports Olympic Association (MSOA) bakrime ong•atangaha.

NEOG-ko November jani 10 tarikoni 16 tarikona ong•atangaha. IndakeNorth East-ni dam chet (8) a•dokrangoni sak hajar 3 bate bakko ra•angtokaha. Ia NEOG-o ming 18 kal•susaanirangko Shillong songjinmani dam 12 biaprango ong•atangaha.

Indake ia ming chichet kal•susaanio Meghalaya Women’s Basketball Team Finale-ona sokdoange Silver Medal-ko man•aha. Unbaksana gipin kal•susaanirango Meghalaya a•dok bang•a medalrangko man•aha.

Meghalaya a•dok Athletics-o bang•bata medalrangko man•ahani gimin Skotong Minister Conrad Sangma Trophy-ko on•aha.

Basketball kal•giparangni chu•sokaniko nike Skotong Minister Conrad Sangma, “Chinga JN Complex-o World Class Stadium-ko rikengaha. Ia Stadium-ko rikna gita kror 125 tangkarangko chamataha. Indake ia stadium-ni ning•o Indoor Basketball Court donggen. Anga DSO baksa golpogrike basketball ka•lenggipa me•chik chadamberangna dakchakaniko on•china mol•molgen ” ine aganangaha.

Conrad Sangma, Meghalaya Basketball Team-ni Coach, Cordialicia, “Chinga NEIGHRMS Outdoor Court-o Basketball-ko skie on•enga, Shillong songjinmao salanti mikka wasimani a•sel chinga bang•a neng•nikanirangko man•engani gimin DSO-ko mol•mole uamangna dakchakaniko on•china didiangaha”.

Unbaksana Meghalaya Wrestling dolni sak 11 ka•rimskarang chegipa ong•aha. Uamang cheani bidingo aganengon, Conrad Sangma, “Meghalaya Wrestling Team-ko ru•utgija somoina skang mangmangsan bikotaha ine anga koborko man•aha. Anga uamangni cheanina namen kusi ong•a aro rasong chabea. Uni gimin sorkarini gita Sportsmen-rangna on•enggipa Scholarship-ko pilak kal•susaanio gisik nanggipa manderangan ra•rikna nanga” ine agan ku•pattianiko on•angaha.

Leave A Reply

Your email address will not be published.