Tura, November 17, 2022: West Garo Hills a•jani Phulbari elakkao Meghalaya Trinamool Congress (TMC) Butbar salo Block Level Meeting-ko ong•atangaha.
Ia tom•anio Dr Mukul Sangma dongpae jinmana aganprakengon, “MDA sorkari skulo Skigiparangko kamo rakkijaenga ine nikna gita man•a. Uamang bang•bata songrango donggipa sorkari skulrangko chipengaha. Anga an•tang chononin sorkarini skulo poraigipa ong•e, skulni gamchataniko ma•sia. Songni skulo poraienggipa bi•sarang, skul donganichi bang•a skianirangko man•a. Indiba MDA sorkari songni skulrangko chipe bi•sarangni poraianiko dontongatna nangja” ine aganangaha.
Re•anggipa 2011 bilsio angni sorkariko chalaimittingo, anga pilak PMGSY ramako matchote tariaha. PMGSY-ni ramarangko tarina gita ma•mong sorkari Fund-rangko on•atna man•jaoba, chinga World Bank baksa melie soi kagrikenba ramarangna fund-rangko ra•bae matchote tarie on•aha ineba ua aganangaha.
Unbaksana Balachanda elakka-ni MDC Agassi Marak, Dr Mukul Sangma-ni agangipa kattarangna chakenba” An•chingni dilgipa Dr Mukul Sangma an•chingna dingtanganiko aro nama re•mikkaniko ra•bana rakbee kamrangko kaenga” ine demittelle aganangaha.
Ia tom•anio Songsak Elakkani MLA Dr. Mukul Sangma, Rangsakona elakkani MLA Zenith Sangma, Balachanda elakkani MDC Agassi Marak aro gipin dilgiparang bakko ra•angaha.