Tura, July 8, 2022: National Testing Agency (NTA) skanggipa changna Garo Hills-o NEET (UG) Examination, 2022-ko Tura Centre-o ong•atengaha ine West Garo Hills a•jani Deputy Commisaioner, Swapnil Tembe u•iataha.
Indakgipa porikkarangko Garo Hills-o bilsianti sena man•aniara, chatro chatrirangna dal•bea pattiani ong•a. Iandakgipa porikkarangko Tura-o ong•atna man•aniara Garo Hills-o poraienggipa chatro chatrirang mikkangchi uandakgipa porikkarango bakko ra•na namgipa chol ong•gnok ine DC kusi ong•aniko parakataha.
Ia porrikarangko Weat Garo Hills-o ong•atna gita gitcham DC Ram Singh aro gipin dingtang dingtang Officer-rang rakbee kam ka•ani a•sel, chatro chatrirang nambegipa cholko ong•gnok ineba ua janapataha.