Kliehriat, July 8, 2022: East Jaintia Hills a•jani pulis koborna parakani gitade, uamangni dondikgija drugs badinggiparangko rim•na rakbee jotton ka•anichi East Jaintia Hills a•jani pulisrang Bristibar salo ning•joljol kobor man•soe sandianiko dakenba bolsa silver maruti zen WP02P-2867 baksa sakgni manderangko chanchichipanio rim•aha.
Pulisrang ua sakgni manderangoniko sandie man•gipa bosturanga gram 72 heroin, ge 168 bon•atgimin Nitazepam bablet-rang, mobile ge•gni aro maruti zen bolsako ra•sekaha ine koborna u•iataha.