Ampati, July 8, 2022: South West Garo Hills, a•jani manderang sakgni Traffic Pulis-ni kamko jegale badi ka•angaha.
Ampatio songdongeng manderangna dakchakna aro manderangko chel•chakna gita dongenggipa Pulisrang, salantio manderang nanganiko brena aro palna sim•na re•baenggipa manderangko Amapti main bajaro chel•chakna aro NH-52 sorok ong•ani gimin, pulisrang salantian traffic pulisrangko donenga.
Indake ong•engon, traffic pulis ABC-531 Ibrahim Miah aro unbaksa duty ka•gipa pulis duty ka•ani somoio pangnan manderangko neng•nikatan baksa ku•atogija kattarangko aganne watronga. Una agreba manderangni garirangko aro manderang photo ka•e dagrangrongachim. Ua traffic pulisrang duty-ni somoirango chu ringronga aro ia traffic pulis-rang mandeskako mande ra•na changgijagipa ong•a ine Ampati-ni manderang matnangaha.
Uni gimin Ibrahim Miah aro unbaksa duty ka•gipa traffic pulis-ni kamko Ampati jolni manderang jinma jegalrime, Ampati Pulis Station-ni Officer incharge aro SP-na July 8 tariko lekka sedoangaha.
Ampatio songdongenggipa manderang traffic pulis Ibrahim Miah aro unbaksa duty ka•gipa traffic pulisni kamara manderangni ra•chakna man•gijagipa ong•a, uni gimin indakgipa traffic pulisrangko Ampatio nangjawa ineba janapataha.
South west Garo Hills-o songdongenggipa manderangni namgnina ka•sine mol•molaniko Pulis Department knachakjaode, mikkangchi rakbata ja•kurangko de•anggen ineba u•iataha.
Manderangni u•iatani gitade, Ibrahim Miah, politically jak dongna nanga, batanggimin salrango department-na namgijako dakani gimin uko badiaba biapona transfer ka•ahachim. Indiba ta•raken Ampati-ona ua transfer re•bapilani gimin ua politically jak donga ine u•ina man•aha.
Uni gimin “Changa Ampatio songdongenggipa manderang uni indakgipa kamko nie dongjawa aro Ampati, South West Garo Hills-ni je biapoba uni mikkangko pulis department manderangna mesokna nangja ine department-ko mol•molangaha.