Baghmara, June 20, 2022: South Garo Hills a•jani Siju-o a•a be•dape Sombar pringo a•sel ong•taiaha ine koborko man•soaha. Re•anggipa June 17 tarik Sukrobar pringo apsan Siju songo a•a rudape me•chikma saksa janggitangko gimaatahachim.
Mikka waanirang da•alonaba namedake namsrangkujaengani gimin iandakgipa a•sel ong•daptaiaha ine nikna man•aha. Indake ong•engon, Siju-o dal•bea a•sel ong•taie me•chik saksao a•a be•dapaha. Songni manderang a•sel ong•ani bakan duko ga•akenggipa me•chikko jokatna gita be•dapgipa a•arangko cho•gale, ua me•chikko jokatna man•aha ine u•iataha.
Koborna u•iatani gitade, ua me•chik a•a rudapako man•ahaoba, rasong gnangbee jokatako man•ahani gimin tangkuenga, songni manderang uko bakan hospital-chi ra•ange sanna bananiko dakenga ineba u•iataha.