Jowai, June 20, 2022: East Jaintia Hills a•jani Lumshnong song gita Silchar-ona re•gipa rama Sombar pringo be•taiaha ine kobor man•aha.
Ia ramao a•a be•dapanichi bading chiwilgiparang aro songregiparang rama jangchio jachange dongtokenga ine songni manderang u•iataha.
Batanggipa salrango dondikgija mikkarang waani a•sel a•arang nom•e, a•brini a•arang rurongdape songona nangchonggipa bosturangko ra•bana man•jae neng•nikaniko man•enga. Songni manderang Jowai ba Khliehriat bajarchi re•angesa nanga bosturangko songona ra•bana nangenga.
Da•o ia Sonapur A•bri ramao be•dapahani a•sel uamang namen kosto chakna nangengjok aro ramako batsotna gita namen man•dikengjok ine songni manderang parakataha.