Baghmara, July 24, 2022: South Garo Hills a•jani Baghmara Dongrugittim-o donggipa Ma Geeti M Sangma-ni depante Jringjang M Sangma Bluetooth Speaker bretani a•sel janggitangko gimaataha ine kobor man•ah
A•sel ong•anio sianggipa Jringjang M Sangma, Bethel Academy skulo klas 9 poraiengachim. Robibar salo Ma Geeti M Sangma an•tangni depante saksako Jawaharlal Navodaya Vidyalaya (JNV) skulona rimange noko dongjachim. Ia obosta ong•ani a•selara Bristibar walni 9 bajimango u•ina man•gijagipa mande saksa uamangni nokona re•ange, Bluetooth Speaker ge•sako uamangni noko dongenggipa me•chik bi•sani jako donange, Jringjang-na on•china aganangaha. Indake uamang salgittamna kingking ua bluetooth speaker-ko noko donaha. Indake Robibar salo Jringjang mande saksani donanggipa “Bluetooth Speaker”-ko noko roenggipa me•chik bi•sarangna aganne roomchi ra•napange git wate nina speaker-ko on ka•aton rang•san speaker brete janggitangko gimaataha ine koborna u•iataha
Ia obosta ong•anio nokni me•chik bi•sa saksaba adita mata buaniko man•aha aro uko Baghmara Civil Hospital-o sanna bannaniko dakenga ine kobor man•soaha
Ia obostako kobor man•soe South Garo Hills a•jani pulisrang ia obostani bidingo nambate ma•sina sing•sandianiko dakenga ineba u•iataha.