Tura, September 27, 2022: India a•songni bilsi 75 gapaniko maniani bak gita, Integrated Communication and Outreach Program (ICOP) aro photo exhibition-ko “Azadi Ka Amrit Mahotsav, Seva Sushasan aro Gareeb Kalyan-ni bilsi 8 gapaniko” maniani bak gita Tura songjinmani Dakopgre-o donggipa SMELC buildingo Monggolbar salo ong•atangaha.
Ia tom•aniko Ministry of Information and Broadcasting, Central Bureau Of Communication, Field Office Department ong•atangaha. Ia exhibition-ko September 28 tarikona ong•atanggen ineba parakataha.
WGH a•jani Additional Superentindent of Pulis (ASP) mongsonggipa ong•e sokgipa ong•e, jinmana aganprakangengon “An•chingna jakgitelaniko ra•bana kamko ka•gipa an•chingni pagitcham ma•gitchamrangko an•ching gualna nangja. An•ching man•a dipet batanggimin salrangni bidingo poraie skie ra•e ma•sina nanga. An•chingni chasongo ripengrangko basena nangenga. Uni gimin pilak chadamberangan ripeng baseon simsakna nanga” ine aganangaha.
WGH a•jani MBDA Department-ni District Program Manager, V Valentine Hembron, “Meghalaya a•dok sorkari gimikni gitan chadamberangna bang•a dakchakanirangko on•enga. Uni gimin chadamberang somoi man•mitingon an•tangna nama cholko skie ra•na nanga” ine aganangskaha.
Field Office-ni Field Publicity Assistant Haihungbe Mpame, ia tom•aniko ong•atani bidingo jinmana aganprakangengon, ua Seva Sushasan aro Gareeb Kalyan Scheme-rang maikai manderangni janggi tanganirangko dingatataha, uarangni bidingo aganangaha.
Indake ia tom•aniona mongsonggipa sokgipa aro gipin officer-rang Drawing, Painting aro Quiz competition-o chegiparangna boksisrangko suale on•angaha.
A•songni matgrikrang, Seva Sushasan aro Gareeb Kalyan-ni bilsi 8 gapani jachipchangrangko jinma nichina exhibition-o mesokangaha.
Tura songjinmani Kendriya Vidyalaya Skulni Principal Rahul Tiwari-ba ia tom•anio jinmana aganprakangaha.