September jani AAY, PHH aro Non-NFSA nokdangrangna PMGKAY-ni mirongrangko watata 

Tura, Sept 16, 2022: West Garo Hills a•jani Deputy Director of Supply, Tura Sadar Division-ni ning•o donggipa AAY, PHH aro Non-NFSA nokdangrangna Pradhan Mantri Garib Kalyan Anna Yojana (PMGKAY)-ni gita September jani mirongko watataha ine u•iataha.

Tura Sadar Division-ni ning•o donggipa Fair Price Shop Dealer-rang sorkarini dongimin dam gita AAY (rimit rongni) lekka donggiparangna mirong kg prako gong 3 ka•e nokprako kg 35-ko man•gen, PHH (gitchakmrang rongni) lekka donggiparangna nokdangni mande sakprako mirong kg 5 ka•e, kg prako gong 3, Non-NFSA (tangsim rongni) lekka donggipana mirong kg 7.11-ko Price Vigilance Committee -ni tik kagimin damo gong 13-na bate palna man•jawa ine u•iataha.

Gittimni manderang an•tangtangni Fair Price dokkanoniko lekkako mesoke, janapatgimin damo mirongko brena man•gen ineba u•iataha.

Unbaksana PMGKAY-ni ning•o ga•akgipa AAY aro PHH nokdangrangna japrako nokdangni mande sakprakna mirong kg 5-ko indin tangka gri suale on•anggen ine u•iataha.