Sepoy Colony Development Committee General Meeting-ko ong•ate, Gital dilgiparangko seokangaha

Tura,March 5, 2022: Sepoy Colony Development Committee-ni gita adita salrangna skang Nepali Mandap-o uamangni General meeting-ko ong•atangaha aro ia meeting-ko development committee-ni President Mittison D Sangma-chi dilangaha.
Indake ia general meeting-ko ong•atengon, dingtang dingtang agenda-rango pangchake chanchirimaniko dakangaha jekai gital committee-ko tarina, Sepoy Colony-o songdongenggiparangna water supply scheme, nok para, jaanti gila kemanirang aro gittimko rongtale rakkiani bidingoba chanchijolanganiko dakaha.
Ia general meeting-ni somoio gital office bearer-rangko seokangjolaha uamangara, President-na Mitison D Sangma, Vice president Babul Sangma, Jibon Hajong aro Sengseng A Sangma; Secretary Sushil Paul, Joint secretary Prakash Prasad, Asstt. Joint Secretary Sengchi Ch Marak aro Rajiv Paul, Treasurer Terak M Sangma, Accountant Prakash Paul, Publicity secretary Ranjay Rabha, Organizing secretary Janardhan Srivastava, Chief Organizing secretary Sarmila R Sangma.
Indake development-ko mikkangchi nambate aro mangrakbate rakkiangna man•na gita agan-ku•pattigipa (Advisor)-rangkoba seokangaha uamangara Barun Koch, Rajesh Prasad aro Khelaram Koch onga•achim.
Ia meeting-ni bakon executive member-rangkoba development committee-na seoke donangaha.