Tura, March 5, 2022: North Garo Hills a•jani ning•o donggipa Kharkutta elakkani MLA Rupert Momin, Tura-ni Regional Business Officer (RBO) aro SBI-ni AGM, Dharmananda Banai aro gipin SBI branch Official-rangni dongpaanio Kharkutta SBI-o gital ATM-ko Sonibar salo oprake on•angaha.
AGM, Dharmananda Banai-ni u•iatani gitade, ian Garo Hills-o SBI ATM-ko kulie on•ani ge 62 gipa ong•engachim. Ia ATM-ko Kharkutta-o songe ba a•bachengate on•anichi jolni manderang chel•begipa biap Dudhnoi aro Dhupdhara-ona re•bae tangkarangko okna nanggija jolni manderang aro songe songgabatgiparangna dakchakani ong•gnok aro chuttini salrangoba ATM-oniko tangkarangko okna man•gnok.
Ia ATM-ko oprake on•ani somoio MLA Rupert Momin, jinmana aganangengon, ru•uta somoirangoni jolo songdongenggipa manderangni ATM songe ba oprake on•china dabianiko SBI Official-rang gisiko nange kam ka•anichisa chu•sokatna gita man•aha.
Unbaksana Tura SBI-ni AGM Dharmananda Banai ATM-ko simsake jakkalna nanggipa aro jakkalna nanggijagipa aro ATM-ni OTP-ko a•gital manderangna skatang on•jachina manderangko didiangskaha.