Rugapara LP Skulni skigipa gipin biapchina kam ra•jitanganiko FKJGP jegala  

0

Baghmara, June 3, 2022: South Garo Hills a•jani ning•o ga•akgipa Rugapara government LP Skulni me•chik skgipa gipin biapchina kam ra•jitanganiko FKJGP Gasuapara Circle aro songni manderang jegalataha.

FKJGP Gasuapara Circle-ni General Secretary Kalsrang Marak-ni u•iata gitade, Rugapara Govt. LP Skulni me•chik skigipa, Sengme R Marak an•tangni kamko Dimapara skulona ra•jitanganichi namen Rugapara LP skulni chatro chatrirangna aro songni manderangna namen gimabeani ong•aha. Ua an•tangni kamko gipin skulona ra•jitangani giminde maming neng.nikani dongja, maina uni biapo sakgipin skigipa ong•na kragipa skigipako watatskana man•aigen, indiba ua post-kosa ra•jitangenga. Rugapara Govt LP Skulo me•chik skigipani post-an dongjawaha, indide maikaisa uni biapo sakgipin skigipako appoint ka•angskagen ine FKJGP Gasuapara Circle aro Ruga-o dongsongenggipa manderang iako raken jegalataha.

Unbaksana, chingni knasoani gitade, ua Dimapara-ona ra•jitangenga. Dimapara-o skigipani kamna sakgnisan biap donga aro uano skigipa chu•onga gita donga. Indide ua bani biaponasa ra•angskaenga ine FKJGP sing•doangaha.

Uni gimin iani bidingo sorkari aro authority-rang name am•sandianiko dake kamko ka•atpachina FKJGP Gasuapara Circle mol•molataha.

Leave A Reply

Your email address will not be published.