NGH a•jani kal•susagipa dol Inter School Athletic Meet-o skanggipa gadangko man•a 

Resubelpara, June 3, 2022: North Garo Hills a•jani chadamberang re•anggipa May 31 tariko salgittamana SAI STC, NEHU Campus, Shillong-o ong•atanggipa State Level Chief Minister’s Inter School Athletic Meet (SLCMISAM), 2022-o kal•susae bang•bate medalrangko man•bae a•dok gimikko amgope skanggipa gadango ong•aha.

North Garo Hills a•jani chadamberang Gold medal ge•bri (4), Silver medal ge•gni (2) aro Bronze medal ge•gittam (3)-ko chee, chu•gimik ge•sku (9) medalrangko man•aha.

Uamang baksa kal•susarimgipa Ri-Bhoi district ge•chet (8) medalrangkosan cherike gnigipa gadangko man•aha. Unbaksana West Jaintia Hills ge•sni (7) medalrangkosan cherike gittamgipa gadango ong•skaha.

Indake, a•ja ge•gni Ri-Bhoi district aro West Jaintia Hills, ge•gittam, ge•gittam ge•dok Gold medalrangkosan man•aha.

North Garo Hills a•jani chadambe dol Shillong-o salgittamna ong•atanggipa kal•susaanio bakko ra•e kal•susaani skanggipa salon ge-9 medalrangko chebae a•jana mikkim rasongko ra•bahani gimin, North Garo Hills a•jani District Administration namen kusi ong•chakaniko parakatenba nama sikaniko on•ataha.