Baghmara, July 30, 2022: Rongrikkimgre elekkani gitcham MDC Willy D Shira, Sonibar salo Trinamool Congress (TMC) dolo napaha ine u•iataha.
Ia tom•anio Chokpot elekkani MLA Lazarus M. Sangma dongpae bakko ra•angpaaha. Indake Willy D Shira manderangna aganprakengon, “Anga Trinamool Congress (TMC) dolo napna cholko man•ne bilongen kusi ong•aha aro mikkangchi manderangni namgnina kamrangko ka•anggen” ine aganangaha.
Chokpot MLA Lazarus Sangma, “Chinga Willy D Shira-ko TMC dolo rimnapna kusi ong•a. Ua mande ra•ako man•gipa aro jatna a•songna ka•sae kamko ka•gipa ong•a. TMC dolsan A•chik a•songko dingatna aro namdapatna man•gipa dol ong•a. Indake re•baenggipa 2023 bilsio TMC dolna chakgipa bang•a manderangni vote-ko man•na ka•dongsoenga” ine aganaha.
Gisik taning bite chanchina changgipa manderangni Trinamool Congress (TMC) dolona napaniara dolko namen bilakdapata aro Conrad Sangma-ni dilenggipa NPP dolko jajrenga gri warachakna man•gnok ineba ua agandapangaha.
Batanggimin salrango TMC dolni dilgipa aro a•dokni gitcham Skotong Minister Dr Mukul Sangma, Congress doloni ong•kate TMC dolo napani bidingo jinmana agantalate on•angjolaha.