Tura, July 30, 2022: West Garo a•jani Dalu Phukan Memorial Kolege-ni skigiparang aro chatro chatrirang Te Salasco D Arengh-na mande ra•aniko dakangaha. Salasco Arengh, NEHU Education Department-ni 9-gipa gadangona sokdoangaha.
Ua NEHU Education Department-o gipin chatro chatrirangna bate nambatgipa ong•e a•dok gimikko 9-gipa rank-ko man•aha. Indake Kolege-ni ka•rimskarang, Education Department-ni Professor sakgni Gautam Das aro Miss Merina Ch. Momin-koba mittelpilangaha.
Indake ia programo Dalu-ni MLA Brening A Sangma dongpae uni jakchi uamangna certificate-rangko on•angaha.
Te Salasco D. Arengh BA matchote poraiae namgipa rank-ko man•ahani gimin Phukan Memorial Kolege-ni skigiparang una Laptop ge•sako Phukan Memorial Kolege-ni Principal Dimseng K.Marak-ni jakchi kusi ong•bee on•angaskaha ine u•iataha.