B-Mahal-ni a•arangko pale cha•ani gimin jegalata

0

Tura, July 30, 2022: Save B-Mahal Committee GHADC dilgiparangni kamna suk ong•gijaniko parakataha.

“Chingni knasoani gitade, B-Mahal-ni a•arangko GHADC-ni EC-rang Meghalaya Tourism Development Corporation (MTDC) aro Meghalaya Industrial Development Corporation (MIDC) Department-na palaha ine knaaha. Ia a•arangko palani bidingo sorkari B-Mahal Committee-ni membor-rang aro songni darang mandrang baksaba chanchirimaniko dakjaha. Uamang an•tangni namgnikosa nibataia. GHADC-ni dilgiparang B-Mahal-ni a•arangko Israel-ni manderangna palna am•mahachim, jekon songni manderang raken jegalaha. An•chingni a•dok chigako simsake niroknagipa an•chingni dilgiparangan A•chik a•songni a•arangko palsrukgenchimode, an•chingara sano ka•donggen” ine Save B-Mahal Committee ni Chairman Rimjen Ch Sangma janapataha.

Save B-Mahal Committee-ni Chairman Rimjen Sangma-ni u•iatani gitade, B-Mahal-ni 5000 hector a•arang jean North Garo Hills aro West Garo Hills a•jani ning•o ga•akachim, ua a•arangko NPP dolchi rikenggipa Executive Committee (EC)-rang, a•dok sorkarina kror 58-na palaha ine chinga koborko man•soaha. Unbaksana uamang a•ani tangkarangko man•aha ineba knasoaha. B-Mahal-ni a•arang songni manderangni a•asa ong•a GHADC-ni a•a ong•ja, uni gimin GHADC dilgiparang a•kange palsrukna man•jawa. Uamang songni manderangna maming u•iata gri ia a•arangko sriksrik palsruke cha•aha. A•dok chigako namdapatna aro tang•doatna sikgenchimode, uamang a•atangko pale cha•jawachim. B-Mahal ian skang A•chik ma•gitcham pagitchamrangni tarie donanggimin a•arang ong•a. Iako chel•chakna aro nirok simsake rakkina dilgiparangni jako ong•achim, indiba uamangan a•jatangni manderangko songni manderangko ba jattangko cha•boke darangnaba u•iatgija palsruke cha•aha. Chinga GHADC EC-ni kamko raken jegala aro chingni B-Mahal a•arangko darangnaba palsruke cha•na man•chongmotjawa ine Save B-Mahal Committee parakataha.

Leave A Reply

Your email address will not be published.