Shillong, 31 July, 2022: Meghalaya a•dokni mingsinggipa MLA aro gitcham Home Minister Pa. Robert Garnett Lyngdoh-ko Robibar salo bon•kame salam ka•na Khasi Hills-ni MP Pa. Vincent H Pala, MDC, MLA-rang, Officer-rang aro Ram Krishna Mission-ni Pandit-rang, Dalai Lama aro a•dokni dal•dalgipa dilgiparang RG. Lyngdoh-ko mande ra•bee nirike watatna re•batokaha.
Una agreba RG Lyngdoh-ni noksul, songsul aro Shillong songjinmani manderang, MLCU-ni Lecturer-rang aro chattro chattrirang program-ona re•batokaha. Program-ko AO Baptist Church ka•dilangaha.
RG saksa git ring•na aro doka dam•arangko namnikbegipa ong•achim. Uni bon•kamgipa salna skangba uni meligipa ripengrang Daryl, Shep aro Greg Bina guitar doke git ring•e on•aha aro uamangni gitko namnikbeaha ine RG ku•sik agana man•jaoba action dake aganangaha. Program-oba RG Lyngdoh-na doke dam•e aro git ring•achi uko uko bon•kame watataha.
Uko mande ra•bee dingtangmancha git ring•e RG Lyngdoh-ni namchikgipa Tra. Eden Rumnong-ni knatobegipa ku•ranching uni gisiko ka•tongo katta donga gimiko paraka gnang git ring•achi parakangaha.
Tom•anio RG Lyngdoh-ni dal•batgipa depante Zachariah Nongkynrih aro nogipa Dr. Carreen Lyngdoh. Uamang RG Lyngdoh-ni chononi bon•kamaona uni jangi tanganio chu•sokarangko aro uni neng•nikanirang gimikon agantalatangaha.
RG Lyngdoh-ni manggisiko de•ongkatmiting somoio Kiddies Corner Skul, Shillong-ni choir bi•sarang git ring•aha.
Indake RG Lyngdoh-ni bon•kamgipa Poetry segipa title
“Free Me When I Die”.
‘Free me when I die
Cremate me, let my being explode into the sky,
Carried into the smoke, blowing and rising into the heavens.
Do not restrict me in a costophobic box,
Or send me into the mold of earth
To implode, disintegrate and be stepped upon.
Let my spirit fly to be one with the air
To fill your lungs to sustain your life.
Do not lable and file me in an unvisited address
To be loved in bed as I have belonged through life,
To rigid isolated bodies, to most times do
More harms, than good’.
Ia poetry-ko seachi RG Lyngdoh an•tangko gopgija so•china aganangaha aro ua an•tangko watato mande ra•oba dal•e dakjachina aganangaha. Ua ramram manderangko watata gita watatako nangnika aro uni siani ja•mano uko kusi ong•e watatchina aro nokdango kusi ong•e dongkamchina ua nokni ma•drang ma•harina aganangaha. Uni agangimin gita nokni ma•drang aro maharirang uko Mawprem-chi ra•ange so•aha.