Chean Shira A•chik jatna mikkim rasongko ra•baa

0

Tura, July 31, 2022: West Garo Hills a•jani bilsi 14 ong•gipa me•a bi•sa a•dokna, jatna aro skulna mikkim rasongko ra•baha.

West Garo Hills a•jani bilsi 14 ong•gipa Te Chean Lachaim D Shira, Bhutan International Taekwondo Championship-o bakko ra•enba ge•gni Gold Medal-rangko a•dokna rasingko ra•baha. Ua Tura songjinmao donggipa Casarina Public Skulo klas 9 poraiengachim.

Ua Gold Medalist Eugene Marak-ni skianiko man•ne Taekwondo Training-ko skie ra•aha. Indake ua bilsi chonaonin Taekwondo-ko namnike, skie ra•aniko dakenga.

Casarina Public Skulni bi•sarangna Martial Arts Training-ko antiprakon on•enga. Indake poraienggipa chadamberang poraian baksa an•tangtangko naljoke rakkiani ba Self Defence Training-ko skie ra•tokenga.

Ua re•anggipa June jaoba, Sikkim-o ong•atanggipa National Sikkim Taekwondo Championship-o bakko ra•angaha aro ua ge 5 gold medal aro ge 6 silver medalrangko man•aha. Ua May jao Shillong songjinmao ong•atanggipa Inter-District Taekwondo Championship-o ge 1 gold, silver aro bronze medalrangko man•aha. Uni janggi tanganio ua Shillong songjinmao ong•atanggipa Tournament-o skanggipa changna bakko ra•chengaha.

“Angni skulona Taekwondo Training-ko ra•bachengaonin anga Taekwondo-ko skie ra•enga. Indake anga Taekwondo-ko skie ra•anichi International Player ong•na cholko man•aha. Angna skie on•gipa angni Trainer-ko anga mittelpilna sika, uni dakchakanichisa anga indakgipa gadangona sokdona gita cholko man•aha. Anga re•baenggipa salrango International Taekwondo Championship-o India a•songni palo re•ange bakko ra•e a•songna gold medal-ko ra•bae on•na miksongani gnang” ine Chean Shira aganaha.

Chean Shira, 2007 bilsini November 27 tariko atchiaha. Ua an•tang nokdangni manderang baksa Tura, Burny Hills-o dongengachim.

Leave A Reply

Your email address will not be published.