Resubelpara elakkani ning•o donggipa songni ramarang namsrangjani gimin songni manderang tangka gilgrime taria 

Resubelpara, Aug 13, 2022: North Garo Hills a•jani ning•o donggipa Wakso Nengsa songoni Asimgre gita Achugre Polling Station-ona rama namsrangjahani gimin, songbrini manderang apsan ku•monge darangni dakchaka gri an•tangtang tangka paisarangko gilgrime August 11 tariko tariaha ine u•iataha.

Koborni gitade, ia sorokko ru•uta bilsirangna galchipe donenggipa Resubelpara Elakkani ning•o ga•akgipa sorok ong•achim ine Achugre Polling Station-ni TMC President Labindro Marak aro Secretary Silnam Momin ui•ataha.

Indake jolni rama jal•langrangko tarie on•na gisiko nanggijaniara gital dilgiparangko seokchina manderangko draatani ong•enga.

Uni gimin mikkangchi manderangni neng•nikako ma•sie kakketo dangdike on•nagipa gital dilgiparangko Resubelpara Elakkao seokangchina aro TMC dol baksa bakrime kamrangko ka•angchina jolni manderangko ku•mongatan baksa jolo songdongenggipa manderangko Resubelpara TMC Youth dolni Secretary Nickolas Sangma mol•molatan baksa ku•monganiko on•ataha.