Williamnagar, August 10, 2022: Rural Backyard Livestock Distribution Scheme (RBLDS)-ni gita Rural Backyard Piggery Support Scheme (RBPSS)-ko a•dokni Skotong Minister Conrad Sangma, East Garo Hills a•jani ning•o donggipa Samanda songo oprake on•angaha.
Ia scheme-ni gita, kangal cholgri nokdangni manderangna wak bi•sarangko suale an•tangtangni janggi tanganina cholko on•na miksonge sualangaha. Indake sak 6000 ge•e game cha•enggiparang ia scheme-ni dakchakaniko man•anggen, uamangna namgipa rokkomni wak bi•sarangko sakprakna mang briko sualanggen. Indake songni manderangna chu•gimik mang 24,000 wak bi•sarangko sualanggen.
Ia scheme-na National Livestock Mission aro a•dok sorkari skanggipa phase-na tangka gong 16.92 krorko chamaha, indake gnigipa phase-o a•dok sorkari kror 25 tangkarangko chamenba sak 10,000 kangal cholgri nokdangni manderangna wak bi•sarangko suale on•angskagen ine parakangaha.
Rural Livestock Support Scheme-ni package ge•prako 25,000-ni gita ong•a. Skanggipa phase-o 6000 kangalgipa nokdangni manderangna wak bi•sarangko suale ge 500 nokdangrangna do•orangko aro 175 nokdangni manderangna do•bokrangko suale on•anggen ine u•iataha.
Ia tom•anio Skotong Minister Conrad Sangma, 20.10 lakni ge 43 cheque-rangko FOCUS Program-ni gita sak 30 Producer Group-rangna suale on•angjolaha.