Tura, June 3, 2022: Re•anggipa May 25 tariko Post Graduate Students’ Union (PGSU)-ni Eleksin Commission-ni u•iatani gitade, Tura NEHU Campus-o ba University-o poraienggipa chatro chatrirangni nangchingmotgipa PGSU eleksinko ong•atna dabiani gimin talatani gitade, chatro chatrirangni gimin maming talatani gri eleksin-ko ong•atna man•jawa ine u•iataha.
PGSU Eleksin Committee-ni Chairman-ni Notification No: F.No. TC/SW/A-6/2013-14/316 dated: 12/5/2022-o janapatani gitade, B (5,6)-o name rongtalen PGSU-ni eleksinko Campus-o ong•atna man•gen ine u•iataha.
Gnigipa, University-o poraienggipa chatro chatrirangni dilgipako seokanio Lyngdoh Committee-ni dakchakaniko ba chakpaaniko man•gen.
Gittamgipa, ia sal somoirango chatro chatrirang namgijagipa kamrango maming namgija bimingko man•na nangjawa. Unbaksana PGSU eleksinko ong•atanio chatro chatrirang maiba oboatarang ong•na man•jawa.
Uni gimin, “chinga University-o poraienggipa chatro chatrirangni obostako namedake sandichengna nanggen” ine eleksin commission chatro chatrirangko mol•molataha.
Indake ong•genchimoba University-o poraienggipa chatro chatrirangni namgnina PGSU eleksinko ong•atpiltaina raiko on•china Students’ Community, NEHU, Tura Campus dibiangkuaha.
Ia PGSU Eleksinko ong•atna gita PGSU Eleksin Committee-ni Chairman, skanggipa, F.No. TC/SW/A-6/2013-14/316 dated:12/05/2022 aro F.No. TC/SW/A-6/2013-14/321 dated: 23/05/2022-ko gnigipa changna lekka seate NEHU, Tura Campus-ni Campus In-charge-na aro mediana on•ataha.