Online gita gari palgiparang A•chikrangko cha•bokenga:GSMC

0

Tura, April 28, 2022: Garoland State Movement Committee (GSMC) HQ Tura-ni parakatani gitade, da•ororo Online OLX ba dingtang dingtang Online gita gari ba bike-rangko palgiparang bang•a manderangko cha•bokengani gimin sakantinan simsake mikrakpachina mol•molataha.

Re•anggipa salrango Royal Enfield palgipa saksa Bikash Kumar Modak mingipa bang•a manderangko cha•bokaha. Uni mobile number +919672840643/8689050784-o dingtang dingtang number-ko on•ne cha•bokenga. Scooty, bike gari, scorpio, bolero aro indakgipa gital gital garirangko online OLX-rangko post ka•e, mikbokate brena am•enggipa manderangko cha•bokenga ine parakataha.

Uko Case ba FIR ka•aha. Ua manderang West Bengal Siliguri, Dimapur Assam-rango cha•boke cha•aha. Da•o Meghalaya-o cha•bokna jotton ka•skaenga. Ua an•tangko sorkari service ka•enga ine tol•e manderangko bebe ra•atenga.Ua gipin gari nokgipaniko breskana am•a dake, garini RC book, gari number-rangko bi•atchenge, uchin gipinni Id card gari photo-rangko on•ne cha•kbokenga. Uni address-rangde gipin a•dokni manderangsa ong•a. Ua Home delivery ka•e on•gen, ineba Security Charge, GPS Charge aro dingtang charge-rangko gamchengbo ba booking ka•chengbo ine cha•bokenga. Uni gimin A•chik a•songni sakanti manderang simsake mikkrakpachina GSMC didiataha.

Leave A Reply

Your email address will not be published.