Guwahati, April 29, 2022: Assam a•dokni bang•a dilgiparang Budbar salo All India Trinamool Congress (AITC) dolchi napangtokaha ine koborna parakataha.
Ia tom•bimonganio Meghalaya a•dokni warachakenggipa aro AITC dilgipa Dr. Mukul Sangma, AITC MP Sushmita Dev, Assam Trinamool Congress President Ripun Bora maang bakko ra•angtokaha.
“Da•al an•ching dilgiparangko basean baksa uamangko name dake chekna gitaba nangenga. Mitam dilgiparang mittinno namjagenchimoba jinmani nikanio name mesokna aro namnikaniko man•a, mesni kimilko ganne mesokronga. Anga CAA-ko raken jegala, CAA-ko Assam a•doko ra•gataniara a•dokko gipinna pakwate on•a gita ong•a. Ua CAA-ni namgijagipa miksonganirangko aro kamrangko jinmana parakangjolaha. NRC aro CAA ge•sa ge•gipinnoni dingtanggrika. Assam a•doko ong•a obostarang gipin NE-ni a•dokrangona nangchakea. Uni gimin anga pangnan aganronga, Assam hatchingode, NE-ba hatchingpaa. An•ching bil tangtangna dakgrikna, an•ching doltangni kamchi a•song gimikna an•chingni bilakaniko mesokna” ine Dr Mukuk Sangma aganangaha.