Ochokgre songo chi watgija JJM scheme-ni pipe linerangko tarie on•anina songni manderang matnanga 

Ampati, June 6, 2022: South West Garo Hills a•jani Salmanpara elakkao donggipa Okchokgre songo, Jal Jeevan Mission (JJM) chu•onga gita chirongdik (water tank)-ko tarijani a•sel Okchokgre songo chi man•jaenga ine songni manderang u•iataha.

Songni manderangni u•iata gitade, Okchokgre song namen ning•tugipa songadam ong•achim. Okchokgre songo mongsongbatgipa neng•nikanide ringani chian ong•a. Uni gimin ma•mong sorkarini on•atgipa JJM scheme-ni chi pipe linerangko name tarie chirangko jokate on•na nangachim. JJM scheme-ko ma•mong sorkarisa songadamrango ringani china neng•nikgipa manderangna dingtangmancha on•atgipa scheme ong•a.

Uni gimin ia JJM scheme-ni tarienggipa chi pipe linerangko department-ni authority re•bae nirokena nanga. Okchokgre songo nokdang ge•saoba JJM scheme-ni tarie on•gipa pipeline chi jokja. Contractor-ara chi pipe siltongko ringchina, chi watgija pipe line-rarako tariengama ine songni manderang sing•ataha.