Shillong, Sept 28, 2022: NPP Jaiaw Pyllun, October jao Jaiaw Pyllun Activity Week-ko ong•atanggen ine parakataha.
NPP Jaiaw Pyllun-ni u•iatani gitade, October 1 tarik pring 6 bajio bilsi 16-ni ning•o ong•gipa aro bilsi 18 batgiparangna Jaiaw Mawsynna-o Marathon Run for Peace-ko ong•atanggen. Apsan salni attam 5 bajio bilsi 18 batgiparangna Carrom Board, Single aro Double kal•susaaniko Jaiaw Laitdom Dorbar Hall-o ong•atangskagen.
October 3 aro 4 tarik attam 4 bajio bilsi 18 komigiparang aro bilsi 18 batgiparangna 3V3 Basketball Knock Out Challenge-ko Pearly Dew School, Jaiaw Laitdom-o ong•atanggen. Indake October 3 tarikni 12 bajio bilsi 8 ong•gipa bi•sarangna on•sogimin Theme-Air Pollution, bilsi 10 ong•giparangna on•sogimin Theme-Environment, bilsi 12 ong•giparangna on•sogimin Theme-Mode of Transportation aro bilsi 14 ong•giparangna on•sogimin Theme-Impact of Globar Warming-ni bidingo Pearly Dew School, Jaiaw Laitdom-o noksa salsusaanggen.
Indake October 6 tarikni attam 3 bajio bilsi 18 batgiparangna Single aro Double Badminton kal•susaaniko Jaiaw Laitdom Dorbar Hall-o ong•atangskagen. Uandake October 5 aro 6 tarik pring 9 bajio bilsi 18 komigipa aro bilsi 18 batgiparangna 5V5 Football Knock Out Challenge-ko Madan Student field-o ong•atanggen.
Indake October 7 tarikni 12 bajio bilsi 18 komigiparangna donsogimin Subject, Boon and Bane Social Media-ni bidingo aro bilsi 18 batgiparangna donsogimin Subject, Impact of Western Culture-ni bidingo Pearly Dew School, Jaiaw Laitdom-o jera ra•grikanggen ba debate ka•anggen. Apsan salni attam 5 bajio Pearly Dew School, Jaiaw Laitdom-o Dancing Traditional Fusion and Western-ni chrok mesaaniko chroksusae mesokanggen ine u•iataha.
Ia susaanirango chegiparangna tangkako boksis on•gen ineba parakataha.
Uni gimin jemangan ia susaanirango bakko ra•na sikengachim, form-rangko janapatenggipa biaprangoniko call ka•e ra•ena man•gen. Jaiaw Shyiap-9402379006, Jaiaw Lansonalane-9863166436, Jaiaw PDeng-9402346189, Jaiaw St.Johseph-8837047153, Jaiaw Lumbatemon-88370816
85, Jaiaw Laitdom-8787628953, Jaiaw Umpohliew-6009293665 aro Jaiaw Mihngi-8798897950.