Tura, Sept 28, 2022:Tura Govt College Students’ Union (TGCSU)-ni Eleksin Commissioner, Budbar salo eleksin ong•ate, 2022-2023 bilsina Tura Govt College Students’ Union-ni gital dilgiparangko seokangaha.
Tura Govt College-o poraienggipa bang•a chatro chatrirang eleksino bakko ra•e, an•tangtangni namnikgipa candidate-rangna vote-rangko on•ne seokangtokaha.
TGCSU-ni gital seoka man•gipa dilgiparanga Anand Ch Momin-President, Daniel Anthim A.Sangma Vice-President, Jerry Sengchang A.Sangma General Secretary, Anio Ch.Marak Assistant General Secretary, Isreal Ch.Momin Games and Sports Secretary, Tariang A.Sangma Social Welfare Secretary, Sneha A.Sangma Girls Common Room Secretary aro Changkimra D.Shira Literary and Symposium Secretary.
Ia gital seoka man•gipa TGCSU-ni dilgiparang mikkangchi Tura Govt College-ko namdapatna aro College-ni namgnina kamrangko ka•angna ku•rachakangtokaha.