Nosto ong•gipa Jio aro Airtel network service-ramgko ta•rake tarichina NGO-rang dabia

Baghmara, June 19, 2022: Re•anggipa antio mikka jimbee waanichi Sukrobar pringo chirang banna re•ani a•sel a•arang be•dape rama sorokrangko champengatani gimin manderang re•a doanio neng•nikaniko man•enga ine ADE Baghmara Regional Unit aro Gasuapara Area Citizens Forum (GACF)-ni dilgiparang parakataha.

Indake ong•engon, South Garo Hills a•jani dingtang dingtang biaprango bang•a a•selrang ong•e songdongenggipa manderang neng•nikaniko man•enga. Indake, South Garo Hills a•jani Skotong Baghmara jolrango chi banna re•anichi, Baghmara jolo songdongenggipa manderang namen neng•nikaniko man•enga, indakgipa neng•nikani somoio, telecommunication namjani a•sel saksa sakgipin baksa kobor ra•grikna, Jio Network, Airtel Network aro Cellone Network-rang South Garo Hills-ni bang•bata biaprangon nosto ong•anichi manderang namen neng•nikaniko chagrongenga.

Indakgipa obostarangko nike GACF-ni Vice President Walnath N. Sangma, Baghmara ADE NGO-ni dilgiparang Tigana Sangma aro Menward Sangma suk ong•gijaniko parakatenba, Garo Hills-ko nirokenggipa Centre Manager, Jio Network Provider Tura aro Airtel Network Service-ni Centre Manager aro incharge-rang manderangni neng•nikaniko ta•rake nirokatchina didiataha.

Maina indakmitting somoio saksa sakgipinna dakchakgrike on•na man•na gita nosto ong•gipa Jio network aro Airtel Network-rangko tarie on•china NGO-rang mol•molataha.