Tura, June 19, 2022:Koborni gitade, Robibar attamchibara ru•uta bilsirangna galchipe donenggipa Tura Allotgre-o donggipa Youth Hostel building kosakoni bilsi 8 ong•gipa me•chik bi•sa an•tangni ripengskarang baksa youth hostel building kosakchi gadoange roenba selfie ka•e ga•akaha ine kobor man•aha.
Ua me•chik bi•sani rang•gitik a•sel ong•ako nikgipa manderang uko dakchakna gita bakan 108 emergency ambulance gariko okamate sanna gita hospital-chi ra•angaha ine u•iataha. Ua me•chik bi•sa bilongbee saknaako man•aha.
Ia Youth Hostel-ko gital dake rikpilchina GSU-CEC, re•anggipa jao West Garo Hills a•jani Deputy Commissioner-ko gronge lekka sedoangahachim.